مع الأيام;,,,,,,,,,,????

اللي بقى لي مع الأيام .. وفّيته
والضيق لو ينهمر تشربْه ودياني

ماهي كبيره علي والحزن غنيته
وْلاهي غريبه إذا وقتي تحداني

الخوف -يا من نبشت القلب وادميته
-لاعشت زهرة شبابك وانت وحداني!!

وجروح قلبي زكاة لْحُبّّ خِلاّني

مطعون ؟ عاااادي ،، جفا الأقراب؟ داويته
تعبان؟ مبطي ،، ردى هالحظ؟ خاواني

صدمه؟ بسيطه ،، هَوان الحال؟ مرّيته
مقرود ؟ أدري ،، وإذا حرمان؟ عدّاني

ما فاح همّ ٍ لك الله ما تقهويته
ما مرّ حزن ٍ بغيري ما تبلاّني!