كيف تعرفين انكى تحبين

لحد دلوقتي مفيش تعريف محدد للحب لأن الناس بتشوفة بطرق مختلفة ،كمان الحب مش بالضرورة بس يكون بين طرفين بهدف الإرتباط لكن فيه أنواع مختلفة للحب زي حبك لأهلك أو أصدقائك واللي غالبا بيختلف عن حبك لحبيبك.
سؤال:
دايماً أنا في وضع مقارنة بأختي الكبيرة هي صحيح ناجحة في مدرستها لكن مهما نجحت محدش بيشوف ده من غير ما يقارني بيها ، وده بيخليني طول الوقت في ضغط ..إزاي اتغلب على حاجة زي دي ؟

طبعاً من الظلم ان الناس تقارنك بأختك طول الوقت .لكن غالباً هما بيعملوا ده من غير قصد عشان كده حاولي تتكلمي معاهم وتقولي لهم مشاعرك وكمان حاولي متخليش ده يأثر على ثقتك بنفسك وركزي على الحاجات القوية في شخصيتك واهتمي بكل حاجة تضيف لشخصيتك كقراءة كتاب أو أخذ دورات لغة أو موسيقا حسب اهتماماتك .



سؤال:
ساعات كتير بحس اني عصبية بشكل مبالغ فيه وأي حاجة بسيطة تخليني أشعر بالغضب ..ليه ؟

نورا:
في مرحلة البلوغ مشاعرك بتكون متقلبة لأن في المرحلة دي فيه تغيرات هرمونية بتحصل لجسمك والهرومانات دي زي ما بتسبب تغيرات فيزيائية بتشوفيها في شكل جسمك ،بتأثر كمان على حالتك النفسية، عشان كده كتير قوي تحسي بالغضب من غير سبب واضح. وده اللي بيحصل لبنات كتير قبل الدورة الشهرية.
تقلب المزاج كمان حاجة طبيعية في المرحلة دي يعني شوية تحسي نفسك سعيدة وممكن بعدها بلحظة تتحول السعادة دي لغضب حقيقي أو حزن من غير سبب.لكن ممكن تسيطري على غضبك بانك تعدي من 1 ل 10 وفكري في اللي هتقوليه قبل ما تتكلمي مع حد من عيلتك أو أصدقائك ويزعلوا منك "على فكرة دي طريقة مجربة "

مشكور على المعلومه كتيييييييييير

شكراً على المعلومة المفيدة جداً
تقبل مروري يا أخي

شكرا كتيييير عهالمعلومة ياريري